Undak Usuk, Bahasa Sunda ( Tatakrama Basa Sunda) Hurup S

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat
    

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.Hormat ka saluhureun. Contona : tuang, sumping, kulem

2.Hormat ka sorangan atawa ka sasama anu can pati loma. Contona : neda, dongkap, mondok    

3.Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

 

Daftar Kecap Ragam Loma, Ragam Hormat Basa Sunda

Tina Hurup S

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	saba, nyaba	nyanyabaan	angkat-angkatan
2	sabot	keur waktu	waktos
3	sabuk, beubeur	beubeur	beulitan
4	sadia, sayaga	sayagi	sayagi
5	sadu, sasadu	tamada	tamada, tomada
6	sagala	sagala	saniskanten
7	sakeudeung	sakedap	sakedap
8	sakit, kasakit	kasakit	kasawat
9	sakur	sakur	sugri
10	salah	lepat	lepat
11	salahsaurang	salahsawios	salahsawios
12	salaki	pun lanceuk	carogé, tuang raka
13	salamet	salamet	wilujeng
14	salat, solat	sambéang	netepan
15	salésma	salésma	pileg
16	salempang, hariwang	salempang	salempang, rejag manah
17	salin, disalin	disalin	gentos
18	samak	amparan	amparan
19	sampak, nyampak	nyampak	nyondong, kasondong
20	samping	sinjang	sinjang
21	sanding, kasanding	kasanding	kasumpingan
22	sanggeus	saparantos	saparantos
23	sanggup	sanggem	sanggem
24	saniskara	saniskanten	saniskanten
25	saperti	sapertos	sapertos
26	saré	mondok	kulem
27	saréréa	sadayana	sadayana
28	sarta, jeungna deui	sareng	sareng
29	sarua	sami	sami
30	sasarap	sasarap, neda (énjing-énjing)	tuang (énjing-énjing)
31	sawah	sawah	sérang
32	séjén	séjén	sanés
33	séléh, nyéléhkeun	masrahkeun	nyanggakeun, ngahaturkeun
34	séléwér, nyéléwér	midua haté	midua manah
35	sémah	tamu	tamu
36	sésa, kari	kantun	kantun
37	sebut	sebat	sebat
38	sedih	sedih	sedih, sungkawa
39	semet, serek	wangkid	wangkid
40	senang	senang	raos manah
41	sérah, nyérahkeun	mirak	mirak, ngésér
42	seubeuh	sesek	wareg
43	seupah, nyeupah	nyeupah	ngalemar
44	seuri	seuri	gumujeng, kahaturan
45	siar, nyiar	milari	milari
46	sibanyo	sibanyo	wawasuh
47	simbut	simbut	kampuh
48	sirah	sirah	mastaka
49	sirit	larangan	larangan
50	sisig	sisig	susur
51	sisir	pamérés	pamérés
52	soara, sora	sora	soanten
53	sono	sono	honéng
54	sorangan	sorangan	nyalira
55	sore	sonten	sonten
56	sugan, manawi	manawi	manawi
57	suku	suku	sampéan
58	sukur, nyukuran	nganuhunkeun	nganuhunkeun
59	sumawon, sumawonna	sumawonten	sumawonten
60	sunat, nyunatan	ngaberesihan	nyepitan
61	sungut	cangkem	baham
62	supaya	supados	supados
63	surat	serat	serat, tétésan
64	surup, kasurupan	kasarumahan	kacalikan
65	susu	susu	pinareup
66	suweng	suweng	kurabu, giwang
67	suwung	suwung	suwung, seweng

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.