Undak Usuk, Bahasa Sunda ( Tatakrama Basa Sunda) Hurup O

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat
 

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.Hormat ka saluhureun. Contona : tuang, sumping, kulem

2.Hormat ka sorangan atawa ka sasama anu can pati loma. Contona : neda, dongkap, mondok    

3.Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

 

Daftar Kecap Ragam Loma, Ragam Hormat Basa Sunda

Tina Hurup O, P jeung R

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	obat, ubar	obat, ubar	landong
2	ogan, ondang	ondang	ulem
3	omé, ngoméan, menerkeun	ngalereskeun	ngalereskeun
4	paham	paham, ngartos	ngartos
5	paju, maju	majeung	majeng
6	paké, make	nganggo	nganggo
7	palangsiang, bisa jadi	tiasa jadi	tiasa jadi
8	palar, dipalar	dipalar	dipamrih, dipambrih
9	palebah	leresan	leresan
10	paliré, maliré	maliré	merhatoskeun
11	paman	pun paman	tuang rama
12	pamajikan	pun bojo	tuang rayi, geureuha
13	pancuran, kamar mandi	jamban	jamban
14	pandé, mandéan	mandéan	mapadani, nyamian
15	pandeuri	ti pengker	ti pengker
16	pang, pangna, nu matak	nu mawi	nu mawi
17	panggih, manggih, timu, nimu	mendak	mendak
18	pangkat, kadudukan	kadudukan	kalungguhan
19	pangku, mangku	mangku	mangkon
20	panitih (perhiasan)	panitih	sangketan
21	panon	panon	soca
22	pantar, sapantar	sapantar	sayuswa
23	paparah, dipaparah	dikinten-kinten	dikinten-kinten
24	parak, marak	marak	munday
25	paribasa	paripaos	paripaos
26	pariksa, mariksa	mariksa	marios
27	parna	répot	wales
28	paro, saparo	sapalih	sapalih
29	parok, teu parok	teu sami	teu sami
30	pasti, tangtu	tangtos	tangtos
31	pati, teu pati	teu patos	teu patos
32	patuh, matuh	matuh	linggih
33	payung	payung	pajeng
34	pédah, sapédah	kumargi, jalaran	réhing
35	pénta, ménta	neda, nyuhunkeun	mundut
36	pecak, mecak, nyoba	nyobi	nyobi
37	pegat, kapegat	kapegat	kaandeg
38	pencét, mencétan	meuseulan	meuseulan
39	percaya	percanten	percanten
40	perelu, perlu	perlu	peryogi
41	permisi	permios	permios
42	peuting	wengi	wengi
43	pianakan	pianakan	wewetengan
44	pihapé, mihapé	wiat	ngaweweratan
45	pikir	pikir	manah
46	piligenti	piligentos	piligentos
47	pilih, kapilih	kapilih	kaselir
48	pindah	pindah	ngalih
49	pingping	pingping	paha
50	pipi	pipi	damis
51	pirang-pirang	pinten-pinten	pinten-pinten
52	poé	dinten	dinten
53	poho	hilap	lali
54	potong, popotongan	patilasan	patilasan
55	pribadi	paribados	ku anjeun
56	prihatin	prihatin	prihatos
57	puasa	puasa	saum
58	puguh, tangtu	tangtos	tangtos, kantenan
59	purun	purun	kersa
60	rarabi	rarabi	garwaan
61	raksa, pangraksa	pangraksa	panangtayungan
62	ramo	ramo	réma
63	rampés	mangga	mangga
64	ranyed, ngaranyed	ngaranyed	ngalambangsari
65	rasa, rumasa	rumaos	rumaos
66	réa, loba	seueur	seueur
67	récéh	récéh	artos alit
68	resep, keresep	karesep	kalangenan, kaseneng
69	reujeung	bareng	sareng
70	reuneuh	kakandungan	bobot, ngandeg
71	reureuh	reureuh	ngaso
72	rieut	rieut	puyeng
73	rikip, ririkipan	ririkipan	rerencepan
74	ripuh	ripuh	répot
75	robah	robah	robih
76	roko, ududeun	rook	sesepeun
77	rua, sarua	sarupi, sami	sarupi, sami
78	rujuk, rempug	rempug	rempag
79	rumasa	rumaos	rumaos
80	rupa, warna	rupi	rupi
81	rusuh, rurusuhan	énggal-énggalan	énggal-énggalan

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.