Undak-Usuk Basa Sunda ( Tatakrama Basa Sunda)

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.   Hormat ka saluhureun. Contona : tuang, sumping, kulem

2. Hormat ka sorangan atawa ka sasama anu can pati loma. Contona : neda, dongkap, mondok

3.   Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

Daftar Kecap Ragam Loma, Ragam Hormat Basa Sunda

Tina Hurup A

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	abus, asup	lebet	lebet
2	acan, tacan, encan	teu acan	teu acan
3	adu	adu	aben
4	adi	adi	rai, rayi
5	ais	ais	emban
6	ajar	ajar	wulang, wuruk
7	ajang, keur	kanggo	haturan
8	aji, ngaji	ngaji	ngaos
9	akang	akang	engkang
10	aki	pun aki	tuang eyang
11	aku, ngaku	aku, ngaku	angken, ngangken
12	ali	ali	cincin,lélépén
13	alo	pun alo	kapi putra
14	alus	saé	saé
15	ambek	ambek	bendu, wera
16	ambéh, supaya	supados	supados
17	ambeu, ngambeu	ngambeu	ngambung, ngangseu
18	amit, amitan	permios	permios
19	anak	pun anak	tuang putra, putra
20	anggel	bantal	bantal
21	anggeus, enggeus	réngsé	parantos
22	angir, diangir	kuramas	kuramas
23	anjang, nganjang	ngadeuheus	natamu
24	angkir, diangkir	diondang, disaur	diulem, disaur
25	antara	antara	antawis
26	anteur, nganteur	jajap, ngajajapkeun	nyarengan
27	anti, nganti, dago, ngadagoan	ngantosan	ngantosan
28	arang, langka	awis-awis	awis-awis
29	arék	badé, seja	badé, seja
30	arep, ngarep-ngarep	ngajeng-ngajeng	ngajeng-ngajeng
31	asa, rarasaan	raraosan	raraosan
32	ari	dupi	dupi
33	asal	kawit	kawit
34	aso, ngaso	ngaso	leleson
35	astana	pasaréan	pajaratan
36	atawa	atanapi	atanapi
37	ati-ati, kadé	ati-ati	atos-atos
38	atoh,bungah	bingah	bingah
39	awak	awak	salira, sarira
40	awéwé	awéwé	istri

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.