Undak Usuk Basa, Basa Sunda ( Tatakrama Basa Sunda) Hurup H

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

 

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.   Hormat ka saluhureun. Contona : tuang, sumping, kulem

2.   Hormat ka sorangan atawa ka sasama anu can pati loma. Contona : neda, dongkap,    

      mondok

3.   Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

Daftar Kecap Ragam Loma, Ragam Hormat Basa Sunda

Tina Hurup H, I jeung J

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	haben	haben	teras-terasan
2	hadir, ngahadiran	nungkulan	ngaluuhan
3	hal, perkara	perkawis	perkawis
4	halis	halis	kening
5	hampura, maap	hapunten	hapunten, haksama
6	hareup	payun	payun
7	harega, harga	harga	pangaos
8	harti	hartos	hartos
9	haté	haté	manah
10	hawatir, watir, karunya	watir	hawatos
11	hayang	hayang, hoyong	palay
12	hayu	mangga	mangga
13	hélok	héran	hémeng
14	hésé, susah, pelik	sesah	sesah
15	heuay	heuay	angob
16	heubeul, lawas	heubeul	lami
17	heug, seug	mangga	mangga
18	hili, tukeur	liron	liron, gentos
19	hina	laip	laip
20	hirup	hirup	jumeneng
21	hitut	hitut	kabobosan
22	hudang	hudang	gugah
23	huntu	huntu	waos
24	hutang	hutang	sametan
25	iber, béja, warta	wartos	wartos
26	idin	widi	widi
27	igel	igel	ibing
28	iket	totopong	udeng
29	iIlik, ngilikan,	ningalan	ningalian
30	ilu, ngilu	ngiring	ngiring
31	imah	rorompok	bumi
32	impi	impén	impén
33	imut	imut	mésem
34	incu	pun incu	tuang putu
35	indit	mios	angkat
36	indung	pun biang	tuang ibu
37	inggis, risi	inggis, risi	lempan
38	injeum	tambut	tambut
39	inum	inum	leueut
40	irung	irung	pangambung
41	isuk, isukan	énjing	énjing
42	iteuk	iteuk	teteken
43	itung	itung	étang
44	iwal, kajaba	kajaba	kajabi
45	jaba	jaba	jabi
46	jaga	jaga	jagi
47	jalma, jelema	jalmi	jalmi
48	jauh	tebih	tebih
49	jawab	walon	waler
50	jero	lebet	lebet
51	jeung	sareng	sareng
52	jiga	jiga	Sapertos, sakarupi
53	jima	sapatemon	sapatemon
54	jinah	jinah	ngalambangsari
55	jual	ical	ical
56	jugjug	bujeng	bujeng
57	juru, ngajuru	ngalahirkeun	babar

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.