Undak Usuk, Bahasa Sunda ( Tatakrama Basa Sunda) Hurup K

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.Hormat ka saluhureun. Contona : tuang, sumping, kulem

2.Hormat ka sorangan atawa ka sasama anu can pati loma. Contona : neda, dongkap, mondok    

3.Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

Daftar Kecap Ragam Loma, Ragam Hormat Basa Sunda

Tina Hurup K

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	kabar, beja, warta	wartos	wartos
2	kabeh, sakabehanana	sadayana	sadayana
3	kabur, minggat	minggat	lolos
4	kacida, nataku, naker, panteg	kalintang	kalintang, teu kinten
5	kadang warga	kadang wargi	wargi-wargi sadayana
6	kajeun, keun baé	sawios	sawios
7	kakara, karek	nembé	nembé
8	kalan-kaan, sakapeung	sawaktos-waktos	sawaktos-waktos
9	kalenger, kapaéhan	kapaéhan, kapiuhan	kapidara
10	karembong	kekemben	kekemben
11	kari, tinggal	kantun	kantun
12	kasakit, nyeri	kasakit, kanyeri	kasawat
13	katara, kacir	katawis	katawis
14	kapalang, kagok	kapambeng	kapambeng
15	katuhu	katuhu	tengen
16	kawantu	kawantos	kawantos
17	kawas, saperti	sapertos	sapertos
18	kawin	nikah jatukrami	jatukrami, réndéngan
19	kédé	kénca	kiwa
20	kéjo, sangu	sangu	sangu
21	kélék	kélék	ingkab
22	késang	karinget	karinget
23	kedeng, ngedeng	ngedeng	ébog
24	keris	keris	duhung
25	keur, pikeun	kanggo	kanggo, haturan
26	kiih	kahampangan	kahampangan
27	kira, sangka, ngira, nyangka	nginten	nginten
28	kocap, kocapkeun, kacaritakeun	kacarioskeun	kacarioskeun
29	kolot	kolot	sepuh
30	komo, samawona	komo, sumawona	sumawonten
31	kongkorong	kangkalung	kangkalung
32	kop, pék	mangga	mangga
33	kuat	kiat	kiat
34	kubur	kaluat	kaluat
35	kudu	kedah	kedah
36	kuku	kuku	tanggay
37	kuluwut, nguluwut, nguyung	nguluyut, nguyung	ngangluh
38	kumbah	kumbah	wasuh
39	kumis	kumis	rumbah
40	kumpul	kempel	kempel
41	kungsi	kantos	kantos
42	kurang	kirang	kirang
43	kurén, kurénan	rimbitan	rimbitan
44	kuring, sim kuring	abdi, sim abdi	sim abdi
45	kutu	kutu	puntang

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.