Undak Usuk, Bahasa Sunda ( Tatakrama Basa Sunda) Hurup D

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.Hormat ka saluhureun. Contona : tuang, sumping, kulem

2.Hormat ka sorangan atawa ka sasama anu can pati loma. Contona : neda, dongkap, mondok    

3.Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

Daftar Kecap Ragam Loma, Ragam Hormat Basa Sunda

Tina Hurup D, E jeung G

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	daék	daék, purun	kersa
2	dagang	dagang	icalan
3	dahar	neda	tuang
4	dangdan	dangdan	dangdos
5	dapur	dapur	pawon
6	kélék, ngélék	ngélék	ngadéhé
7	déngé, ngadéngé	nguping, mireng	ngadangu
8	deukeut	caket	caket
9	deungeun-deungeun	nu sanés, sanés wargi	nu sanés, sanés wargi
10	didik, ngadidik	ngatik	miwuruk,mitutur, miwejang
11	diri	diri	salira
12	diuk	diuk	calik, linggih
13	dubur	dubur	palawangan
14	duga, kaduga	kaduga	kiat
15	duit	artos	artos
16	duméh, lantaran	jalaran	kumargi
17	éléh	éléh	kawon
18	éling, inget	émut	émut
19	émboh, tambah	tambih	tambih
20	éstu, ngéstukeun, nurut	ngéstokeun	ngéstokeun
21	éndong, ngéndong	ngéndong	ngawengi
22	éra	isin	lingsem
23	embung	alim, narah (awéwé)	teu kersa
24	emét, saemét	saeutik	saeutik
25	endeng, saendeng-endeng	salamina	sapapaosna
26	enggon	pamondokan	pangkuleman
27	eukeur, keur	nuju	nuju
28	eusi, ngeusian	ngalebetan	ngalebetan
29	euweuh	teu aya	teu aya
30	gancang	énggal	énggal
31	gandék	réncang	réncang
32	gandéng	gandéng	baribin
33	ganti	ganti	gentos
34	gardéng, rérégan	gardéng	lalangsé
35	gawé	gawé	damel
36	gégél	gégél	landep
37	gedé	gedé	ageung
38	gelung	gelung	sanggul
39	genah, ngeunah	raos	raos
40	gering	udur	teu damang
41	getol	getol	kersaan
42	geuing, ngageuing	ngageuing	ngémutan
43	geulang	geulang	pinggel
44	geura, pék, hég	geura, mangga	mangga
45	geuwat	énggal	énggal
46	gigir,gigireun	gigireun	gédéngeun
47	gilir, bagilir	bagilir	bagentos
48	gimir	gimir	rentag manah
49	goda, gogoda, cocoba	cocoba	cocobi
50	goréng, joré	goréng	awon
51	gugu, ngagugu	nurut	tumut
52	guguling	guguling	pepedek
53	gura-giru	gura-giru	énggal-énggalan
54	gusar, digusar	digusar	dipeper

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.