Undak Usuk, Bahasa Sunda ( Tatakrama Basa Sunda) Hurup L

Wilujeng tepang deui dulur-dulur sadaya ... Dina kasempetan ieu sim kuring badé ngabahas ngeunaan Undak Usuk Basa, Basa Sunda. Hal ieu kacida pentingna keur urang sunda mah, khususna pikeun barudak di jaman ayeuna anu tos teu terang Tatakrama atawa Undak Usuk basa Sunda.

Dina leresan ieu babagian Tatakrama Basa Sunda téh ngawengku basa hormat jeung basa loma, sarta masing-masing pada miboga papagon nu diluyukeun jeung kaperluan panyaturna. Anapon gurat badag Tatakrama Basa Sunda téh dibagi jadi 3 (tilu) golongan, nyaéta :

1.   Basa Kasar

2.   Basa Loma

3.   Basa Hormat

Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.

Basa kasar digunakeun keur sato atawa jalma nu keur ambek, basa loma dilarapkeunka jalma/babaturan anu geus loma (akrab), basa hormat dilarapkeun ka jalma anu pantes (meujeuhna) dihormat atawa diajenan.

Basa Hormat dipasing-pasing jadi :

1.Hormat ka saluhureun. Contona : tuang, sumping, kulem

2.Hormat ka sorangan atawa ka sasama anu can pati loma. Contona : neda, dongkap, mondok    

3.Hormat kanu leutik (sahandapeun), budak nu kakara bisa atawa lancar ngomong. Contona : emam, bobo, ameng.

Tujuan ayana Tatakrama Basa Sunda téh nyaéta teu aya sanés pikeun silih hormat atawa silih ajénan jeung papada jalma. Jadi lain jang ngabéda-bédakeun harkat jeung darajat jalma saperti jaman féodal. Tah kukituna omongan kakara disebut hormat upama dibarengan ku :

1.   Lisan (kecap)

2.   Pasemon

3.   Rengkuhjeung peta

4.   Lentong

Mugia waé artikel ieu aya mangpaatna kanggo urang sunda khususna, umumna generasi sunda anu salajengna. Sim kuring ngantos kana komentarna kabilihan sim kuring lepat dina ngadugikeun ieu bahasan wireh sipatna bahasa mah dinamis sareng rupi-rupi luyu sareng daerahna masing-masing.

Daftar Kecap Ragam Loma, Ragam Hormat Basa Sunda

Tina Hurup L, M jeung N

No	Kecap Ragam Loma	Kecap Ragam Hormat Keur ka Sorangan	Kecap Ragam Hormat Keur ka batur
1	labuh	labuh	geubis
2	lahun, ngalahun	ngalahun	mangkon
3	lain	sanés	sanés
4	laju	laju	lajeng
5	laki, lalaki	lalaki	pameget
6	laku, payu, laris	pajeng	pajeng
7	lalajo	nongton	nongton
8	lamun, upama	upami	upami
9	lanceuk	pun lanceuk	tuang raka
10	lantaran, sabab, marga	jalaran, sabab	margi
11	lapar	lapar	palay tuang
12	larung, liwat, kalarung	kalangkung	kalangkung
13	laun, laun-laun	lami-lami	lami-lami
14	lého	lého	umbel
15	léngoh	léngoh	teu nyandak nanaon
16	létah	létah	ilat
17	létak, dilétak	dilétak	diilat
18	lebah, palebah	leresan	leresan
19	leumpang	leumpang	angkat
20	leungeun	leungeun	panangan
21	leungit	leungit	ical
22	leutik	alit	alit
23	leuwih	langkung	langkung
24	lila	lami	lami
25	magahan, mapagahan	mapagahan	ngawurukan, miwejang
26	mahal	awis	awis
27	maksud	maksad	maksad
28	malarat, miskin	jalmi teu gaduh	teu kagungan nanaon
29	malem	wengi	wengi
30	malik	malik	mayun
31	mamayu	mamayu	mamajeng
32	mandi	mandi	siram, ngebak
33	manéh, hidep	ibu, bapa, ayi, jst.
34	mangka, sing, muga	mugi	mugi
35	mangkuk, teu mangkuk	teu kantos	teu kantos
36	maot	maot	pupus, tilar dunya
37	marhum	marhum, jenatna	marhum, suargi
38	mayit	mayit	layon
39	méméh, saméméhna	sateuacanna	sateuacanna
40	mending, leuwih hadé	langkung saé	lagkung saé
41	meujeuhna	meujeuhna	cekap
42	meureun	panginten	panginten
43	mimiti, mimitina	kawitna	awitna, kawitna
44	minangka	étang-étang	étang-étang
45	minantu	minantu	mantu
46	mindeng, remen	sering	sering
47	minyak	lisah	lisah
48	mitoha	mertua	mertua
49	montok	montok	ageung
50	muga	mugi	mugia
51	mungguh	menggah	menggah (ing)
52	mupakat, rempug	mupakat, rempug	rempag
53	murah	mirah	mirah
54	muriang	muriang	nyenyepan
55	najan, parandéné, sanajan	sanaos	sanaos
56	naséhat, papatah	naséhat, papatah	piwuruk, piwejang
57	nungkulan	nungkulan	ngaluuhan
58	ngan	mung	mung
59	ngaran	wasta, nami	jenengan, kakasih
60	ngeunah	ngeunah	raos
61	ngora	ngora	anom
62	nini	pun nini	tuang éyang
63	nohonan	nyaosan, nyumponan	nyaosan
64	nyaho	terang	uninga
65	nyana	nginten	nginten
66	nyaring	nyaring	teu acan kulem
67	nyolowédor	nyolowédor	midua manah

Pilari deui nu sanésna Daftar Kecap Ragam Loma, Ragam Hormat Basa Sunda Tina Hurup A, B, C, D, E, F, G, H, I, J, K, L, M, N, O, P, Q,R, S, T, U, V, W, X, Y, Z.